Para todos os cursos de 3º a 6º, podemos xogar cos ritmos, para repasar as figuras. Veredes que divertido! POLIRRITMIAS PARA TODOS! Podedes tocar coas vosas novas maracas.
Ola! Alá comezamos unha semaniña máis. Esta semana estaremos traballando sobre a figura de Rosalía De Castro e a súa obra.
5º/6º
Seguimos traballando poemas dun xeito diferente.
Para 5º: "Adiós ríos, adiós fontes" Para 6º: "Cantarte hei"
Primeiro imos escoitar a esta artista galega e a súa singular forma de cantar os poemas de Rosalía.
Cada grupo copiará as estrofas que lle toquen.
Tamén faremos un pouco de caderno:
Himno a San Juan Bautista
Por último, tenteredes facer unha melodía para un poema. Seguro que vos sae xenial!
1º e 2º
Os nenos e nenas de 1º e 2º ides aprender a primeira e segunda estrofa da canción "Rosalía pequeniña". Ademais imos escoitar e coñecer un pouco máis a nosa poetisa.
Faremos un debuxo de Rosalía De Castro.
3º/4º
Os nenos e nenas de 3º aprenderedes a 3º e 4º estrofa e o retrouso. Os nenos e nenas de 4º as estrofas 5.6.7 e 8.
Faremos un debuxo da estrofa ou estrofas que nos tocaron. E cantaremos a canción!
Ola! Voltamos despois duns días de lecer. Xa sabedes que o día 24 de febreiro é o día que celebramos na honra de Rosalía de Castro. Por iso, imos traballar uns poemas desta grande poetisa. Veredes que orixinal!
Esta semana é máis curtiña, polo que traballaremos un pouco no caderno.
5º
Comezamos con esta artista para lembrar a Rosalía de Castro:
Falamos sobre sinais sonoros.
4º
O nenos e nenas de 4º curso aprenderedes esta fermosa canción, adicada a Rosalía de Castro:
ROSALÍA PEQUENIÑA
Rosalía pequeniña soñaba con ser pirata
Ilustración de Marina Seoane
a pequena Rosalía escribía na nosa fala.
A meniña silandeira a da fala ben mainiña pequeniña, pequeneira unha meniña gaiteira.
Rosalía pequeniña medio meiga, medio fada ao pé da verde silveira chamando pola alborada. A rebelde e rebuldeira non é musa nin postal sube ás ponlas das figueiras e alí déitase a soñar. Rosalía, Rosalía...
Rosalía pequeniña vestida de moitas cores que non canta nin ás pombas nin ás delicadas flores.
Poema de Rosalía sobre ilustración de Marina Seoane
Rosalía, nena india poeta dos nosos días que pos no sentir do pobo badaladas de alegría. Rosalía pequeniña medio meiga, medio fada ao pé da verde silveira chamando pola alborada. A rebelde e rebuldeira non é musa nin postal sube ás ponlas das figueiras e alí déitase a soñar. Rosalía, Rosalía...
Comezamos unha semaniña máis. Xa estades preparados e preparadas para O Entroido? Esta vez, tócanos coñecer algo da obra de Camile Saint Saëns: "El Carnaval de los animales". Penso que é unha das obras que todos os nenos e nenas deberiades coñecer.
El carnaval de los animales (en francés: Le carnaval des animaux) é unha suite musical en 14 movementos composta polo compositor románticofrancésCamille Saint-Saëns. Esta obra orquestal ten unha duración de entre 22 e 30 minutos. Cando acabemos de escoitala, podemos elixir os animais que máis nos gustaron e debuxalos. Parécevos?
A batucada é un ritmo brasileño de influencias africanas, xeralmente interpretado por un conxunto, coñecido como bloco. A batucada caracterízase polo seu estilo repetitivo e o seu ritmo acelerado.
En Galicia temos algo semellante á batucada; é o folión ou fulión. Veredes:
O personaxe emblemático de Viana do Bolo é o Boteiro, que durante os días de Entroido percorre as rúas da vila acompañando ao Folión. Estos Folións son procesións rituais compostas por 30 ou 40 veciños que, acompañados por bombos, azadas, guadañas e cornos, visitan distintos pobos do Concello cos seus espectaculares e brilantes gorros. O significado que acompaña aos folións alude á protección frente aos espítitus adversos, encarnados na mitoloxía popular polas “meigas” e “trasnos”.
Agardo as creacións tan divertidas dos nenos e nenas de 3º coa melodía de Frére Jacques:
Tamén as improvisacións do alumnado de 5º e 6º sobre os refráns e ditos galegos.
E para os máis pequenos (1º e 2º) uns debuxos moi animados, agardo que vos gusten:
Peza de Franz Liszt
Todos os alumnos/as podedes crear unhas maracas de
carnaval; do seguinte xeito:
Colleremos unhas botellas pequenas de plástico e meteremos dentro obxectos como:garavanzos, arroz, fideos pequenos, contas, lentellas. (soamente un tipo de obxecto)
Pegaremos o tapón, para que non se abra. E decoramos con cintas, gomets, pinturas...Xa teremos feitas as nosas maracas para acompañar as cancións!
